ПравдаСветСветот на работникотСиндикат

Водачот на синдикатот му порачал на Макрон дека се игра со оган

Водачот на синдикатот - Работник
170views

Лидерот на синдикатот ЦГТ во Франција кој се бори против реформите во пензиоскиот систем, Филип Мартинез, го обвинил францускиот Претседател Емануел Макрон дека се игра со оган и дека покажува презир кон работниците во Франција.

Мартинез, лидерот на моќниот синдикат ЦГТ, рекол дека Претседателот и неговата Влада потполно се исклучени од реалноста.

Тој додал дека ЦГТ е најмоќен, најстар и втор најголем синдикат во Франција кој смета дека може да го подобри сегашниот систем и дека веќе ги изнел предлозите во таа смисла.

„Меѓутоа, оваа Влада не преговара. Имаме претседател кој мисли дека секогаш е во право така да тешко е да се разговара било за што, а кога разговорите не функционираат, следуваат конфликти – рекол Мартинез.

Мартинез рекол дека реформата мора да се повлече, бидејќи е нефер и е сложена и што повеќе Владата се обидува да ја објасни, се повеќе е неразбирлива.

„Единствено што е разбирливо е тоа дека ќе работите најмалку до 64 години од животот доколку сакате пристојна пензија. Вистина, работниците можат да се пензионираат и на 62 години и да живеат под мост“, рекол тој.

Тој предупредил дека спроведувањето на пензиската реформа и покрај противењето на јавноста ќе ја зајакне крајната десница, пишува Гардијан.

„Луѓето во најмала рака се лути, особено младите работници кои веруваат дека целата нивна генерација е жртвувана. Меѓутоа, Макрон е толку сигурен во себе, но игра со оган“, рекол Мартинез.