НовостиПравдаСветСветот на работникот

Газа окружена и поделена, Блинкен во Анкара, 88 работници на УНРВА убиени

   Време за читање 2 минути

Во четиринеделните напади на Газа загинаа речиси 10.000 Палестинци, но израелскиот премиер Бенјамин Нетанјаху останува на својот тврд став дека не може да има примирје ако не се ослободат заложниците.

Израелската војска тврди дека го окружила градот Газа и дека фактички го поделила појасот на два дела. Израелските медиуми велат дека трупите ќе влезат во градот Газа во следните 48 часа.

„Сега има Газа север и Газа југ. Нашата војска стигна до брегот и ја држи таа линија. Сепак, и натаму овозможуваме коридор преку кој цивилите од северот и од градот Газа можат да одат на југ“, изјави портпаролот на Израелските одбранбени сили (ИДФ), Џонатан Конрикус.

Израел објави дека зазел пункт на Хамас во Газа, кој се состоел од набљудувачки позиции, тренинг-центар и тунели.

„Во таа операција се елиминирани бројни терористи. Во изминатите 24 часа нашите борбени авиони нападнаа околу 450 цели во Газа“, додаде ИДФ.

ПО СРЕДБАТА СО ПАЛЕСТИНСКИТЕ ВЛАСТИ, БЛИНКЕН ДЕНЕСКА ВО АНКАРА

Откако ги одби повиците за примирје, Израел денеска ќе се најде под дополнителен дипломатски притисок да избегнува цивилни жртви додека го напаѓа Хамас во Газа. Државниот секретар на САД, Ентони Блинкен, кој вчера ненајавено се сретна со палестинските власти на Западен Брег, денеска ќе има состанок со турскиот министер за надворешни работи во Анкара.

ОН: ОСУМДЕСЕТ И ОСУМ ВРАБОТЕНИ НА УНРВА УБИЕНИ ВО ГАЗА

ОН соопштија дека 88 членови на персоналот на нивната палестинска агенција за бегалци (УНРВА) биле пријавени убиени од почетокот на воените дејствија на 7 октомври што е најголем број жртви на организацијата регистрирани во еден конфликт. Во заедничката изјава на шефовите на сите големи агенции на ОН се изразува огорченост за бројот на загинати цивили во Газа и се повикува на „итен хуманитарен прекин на огнот“, истовремено барајќи од Хамас да ги ослободи заложниците што ги киднапираше од Израел.

Извор: Алфа

Напишете коментар

Вашата адреса за е-пошта нема да биде објавена. Задолжителните полиња се означени со *