- Advertisement -
ЕкономијаМакедонијаСветот на работникотСиндикат

Газди кои земале државна помош барале вработените да им ја вратат исплатената плата

272views

Кривична одговорност и затворски казни за газдите кои добиле државна помош, а парите наместо кај работниците, си ги ставиле в џеб, побара претседатетот на Синдикатот Димовски. Не требаат апели и опомени, потребни се санкции и јавно објавување на фирмите кои зеле субвенции, а не им дале плати на вработените. Реакцијата на синдикалниот лидер доаѓа откако УЈП вчера објави дека само во април и мај 4,5 илјади компании ја злоупотребиле државната помош, со што го оштетиле буџетот за 2 милиони евра.

-Некој треба кривично да одговара и да заврши зад решетки. Апелиравме за ова до Управата за Јавни Приходи од каде реагираа во најкус можен рок. Компаниите се лоцирани и согласно законот, заедно со Државниот трудов инспекторат, ќе бидат изречени глоби за исплата на парите што ги должат. Но, тоа не е доволно и мора кривично да се одговора“, изјави Дарко Димовски, претседател на ССМ

Advertisement

Казни и јавно објавување на имињата бараат и здруженија на граѓани кои се грижат за човековите права, како и економскиот аналитичар и поранешниот советник на министерот за финансии Јовановиќ. За ваквото недозволиво, неправедно, незаконско и нехумано однесување од работодавачите бараат санкции веднаш, како и враќање на парите во буџетот. Ако не го стори тоа, секоја фирма во иднина ќе знае дека може слободно да си ги крши законите на штета на работниците и да поминува неказнето.

Директорката на УЈП пак, денеска откри и нови злоупотреби. Голем дел работниците поднеле претставки каде тврдат дека газдите им дале плата, но побарале веднаш да им ја вратат.

Advertisement
Advertisement

Лукаревска најавува засилени контроли со Државниот инспекторат за труд и казни за секое незаконско профитирање на грбот на работниците. Целта на мерката беше да се зачуваат работните места, а не, како што вели, да се богатат сопствениците.

Извор: Сител 

Advertisement