ПравдаСветСветот на работникотСиндикат

Грците штрајкуваа: Атина целосно била блокирана

Грците штрајкуваа - Работник
200views

Сообраќајот во деловите на Атина денеска бил запрен поради тоа што превозниците се придружиле на штрајкот заради планираните пензиски реформи.

Истовремено илјадници луѓе мирно марширале низ центарот на градот, барајќи нацартот на законот да се укине.

Со оглед на тоа дека подземните железници, возовите и автобусите не се сообраќале, многумина биле присилени со автомобили да одат на работа, поради што градот во кој живеат речиси четири милиони жители бил скоро блокиран.

Патничките бродови останале во пристаништата, пренел Ројтерс.

На еднодневниот прекин на работата повикале синдикатите од јавниот сектор кои се загрижени дека реформата ќе значи намалување на пензиите кои постепено се намалуваат од земањето на првата финансиска помош од страна на Грција во 2010 година.

Учесниците на протестот се собрале пред парламентот каде пратениците утре ќе започнат расправа за владиниот закон. Од синдикатот на вработените во јавниот сектор (АДЕДИ) наведуваат дека во новиот закон не постојат измени на старосната граница за пензионирање, односно дека во новиот закон се задржува границата од 67 години или 62 години, со 40 години работен стаж. Помеѓу другото, бараат враќање и на 13 и 14 плата, како и државна гаранција за сите пензии.