- Advertisement -
МагазинНовости

Дали светот ќе здивне од Ковид -19: Започна одобрувањето на вакцините на „Фајзер“ и „Бајонтек“

Дали светот ќе здивне од Ковид -19- Работник
302views
По барањето на американската фармацевтска компанија Фајзер за итно одобрение на нивната вакцина во САД и Европа, истото го стори и компанијата Модерна која е од истата држава. Како што објавија од таму, примарните резултати во третата фаза од клиничките тестирања на нивната вакцина mRNA-1273 покажале висока ефикасност од 94,1 %. 
 
Од Модерна посочиле дека резултатите од студијата, во која учествувале 30.000 доброволци од САД, уште се анализираат и со таа анализа ќе продолжат и понатаму.

Истакнале дека ефикасноста на вакцината е докажана затоа што во групата која примила две дози од вакцината немало сериозни случаи ни смртни исходи, додека во групата која примила плацебо имало 30 сериозни случаи и еден смртен случај.

Ефикасноста била докажана кај сите возрасни групи, раси и етнички малицнства, а истата не зависи ни од полот на луѓето .Од 196 испитаници кои имале КОВИД-19 (од кои 11 биле во групата која добила вакцина, а 185 во плацебо групата) имало 33 постари личности и 42 претставници на различно етничко потекло посочиле од Модерна. 

Истакнувале дека не биле забележани сериозни нуспојави. Испитаниците најчесто се жалеле на болки и црвенило на местото на вакцинирање, замор и главоболка. Нуспојавите биле нешто посериозни после примањето на втората доза.

Од Модерна веќе почнале постапка за одобрение од Европската унија, Канада, Швајцарија, Велика Британија, Израел и Сингапур, а имаат намера да побараат и одобрение од Светската здравствена организација.

Велика Британија е првата западна земја што одобрила вакцина против Ковид – 19

Велика Британија е првата западна земја што одобри вакцина против Ковид 19, преку вонреден, забрзан процес.

Европската агенција за лекови (ЕМА) предупредила денеска дека е против избрзаното одобрување на вакцините против Ковид – 19, откако Велика Британија дал вонредно одобрување за експерименталната доза на компаниите „Фајзер“ и „Бајонтек“.

Во соопштението на ЕМА се посочува дека нивната подолга постапка за одобрување на вакцините е поадекватна бидејќи се заснова на повеќе докази и потребни се многу повеќе проверки отколку вонредниот процес што го избра Лондон.

„ЕМА смета дека условното маркетиншко одобрување е најадекватниот регулаторен механизам во сегашната ситуација“, се потенцира во соопштението и се забележува дека во рамките на таа постапка, до 29 декември ќе се донесе одлука дали вакцината „Фајзер“ ќе биде одобрена

Питер Лисе, германски член на Европскиот парламент, имал сличен став затоа што сметал дека Велика Британија избрзано ја одобрила вакцината.

Според регулативите на ЕУ, ЕМА мора да ја одобри вакцината „Фајзер“, но членовите можат да користат итни постапки што им овозможуваат да бидат дистрибуирани на домашниот пазар.

Откако Владата на Велика Британија ја прифати препораката на Агенцијата за лекови даде итна дозвола за вакцината на германската компанија Бионтек и на американскиот партнер Фајзер, нарача 40 милиони дози. 20 милиони Британци ќе може да почнат да се вакцинираат веќе од стартот на следната недела, изјави британскиот министер за здравство Мет Хенкок.

„ Апсолутно сум воодушевен од веста и сум многу горд што Велика Британија е првата земја во светот која што има овластена клиничка вакцина, а тоа за луѓето значи дека веќе следната недела ќе може да вакцинираме, ќе започнеме со најранливите категории на коронавирус. Потребни се две дози со разлика од 21 ден и потоа ќе започне заштита на луѓето, бидејќи таа е целосна со двете дози.“вели Мат Хенкок министер за здравство на Велика Британија.

Се планира да се вакцинираат 400,000 луѓе до крајот на оваа година. 

Британската регулаторна агенција за лекови МХРА соопшти дека вакцината, која е ефикасна околу 95 отсто во борбата против Ковид-19, е безбедна за употреба, иако првично се знае дека ефектите можат да траат најмалку една година.

За разлика од Британија, ЕУ сега ја почнува проверката на вакцините на Бионтек/Фајзер и Модерна и мислењето најави дека ќе го даде на состанокот на 29 декември што значи дека одлуката за давање дозвола е најавена најдоцна до почетокот на јануари. Вакцинацијата во Европа би можела да почне по Нова година. ЕУ соопшти и оти веќе нарачала 2 милијарди дози за 27-те земји членки.

Што е со Соеднитетите Американски Држави?

Ноќеска „Вашингтон пост“, објави дека во текот на декември треба да бидат пуштени околу 40 милиони дози на вакцини од фармацевстките компании „Фајзер“ и „Модерна“, доволни да се имунизираат 20 милиони луѓе. Засега, за тоа се уште се чека одобрување од Администрацијата за храна и лекови на САД.

Американското ЦДЦ приоритет за вакцинирање од ковид-19 им даде на здравствените работници на земјата и возрасните лица кои долги години живеат во старечки домови.