- Advertisement -
ЕкономијаНовостиСвет

Економските експерти предвидуваат дека до 2035 година Кина ќе стане најголема светска економија

Економските експерти предвидуваат - Работник
107views

Кина има добри шанси да ја удвои својата економија до 2035 година и да ги надмине Соединетите Американски Држави (САД), рече економистката од Бенк оф Америка, Хелен Кјао.

Кинескиот претседател Си Џинпинг претходно изјави дека Кина може да го удвои својот бруто домашен производ (БДП) и приходот по глава на жител до 2035 година.

Advertisement

Растот на БДП во Кина бара просечна годишна стапка на раст од 4,7 проценти во следните 15 години, што според некои набљудувачи е тешко да се постигне.

Кјао рече дека некои реформски мерки ќе ѝ помогнат на Кина да го постигне тоа.

Advertisement

„Сметаме дека Кина може да го оствари тоа“, рече Кјао.

Таа верува дека Кина би можела да ги надмине Соединетите држави веќе во 2027 или 2028 година.

Кина беше една од ретките економии на глобално ниво што забележа раст минатата година, и покрај предизвиците на пандемијата на коронавирусите.

Официјалните податоци покажуваат дека кинеската економија минатата година се зголемила за 2,3 проценти, а Меѓународниот монетарен фонд (ММФ) за Кина годинава предвидува раст од 8,1 процент.

Во меѓувреме, американската економија ослабе 3,5 проценти минатата година. ММФ очекува економијата на САД годинава да порасне 5,1 процент.

Advertisement