Заборавете на ИТ секторот, ова е работа која се плаќа до 6.000 долари во Србија!

Иако заработката од по неколку илјади евра или долари најмногу се однесува на ИТ секторот, огласите за работа се преплавени со понуди за диспечери, односно работници кои го координираат транспортот. Она што е најинтересно за овие работни места е платата која оди до 6.000 американски долари. Оваа работа може да се работи и без завршено високо образование, односно со средно образование, но важно е познавање на англискиот јазик. Единствено проблем може да биде што оваа работа често се работи доцна навечер, односно ноќе.

Огласите за работа моментално се полни со примамливи понуди за диспечери, на кои им се нуди можност да заработат до 6.000 долари месечно.

„Диспечерите, поедноставно кажано, се задолжени за координирање на транспортот, тие комуницираат помеѓу различни транспортни услуги, тие распределуваат возила, тие се контакт помеѓу возачите, техничарите и сите луѓе и служби кои учествуваат во транспортниот процес“, вели Милош Турински, од „Инфостуд“ за порталот Нова.рс.

Порано оваа работа се работеше преку, да речеме, воки-токи, но сега сè е дигитализирано“, додава тој.

Во оваа професија, барем кога се во прашање понудите во Србија, доминираат странски работодавци, пред се од Америка, а работниците од Србија работат од дома.
Тие нудат и најдобри плати, кои се движат од 500 до 6.000 американски долари месечно, вели тој.

И како што секогаш се наведува опсегот на плата, од 1.500 до 5.000 долари, од 3.200 до 6.000 или од 500 до 1.500, Турински објаснува дека почетната плата ќе ја добие почетник, но некој што веќе бил во овој бизнис може да очекува или нешто измеѓу, па дури и поголема сума наведена во огласот.

Се зависи од искуството и знаењето, но некој со поголемо искуство, кој не е почетник, сигурно нема да има почетна плата“, вели Турински.

Што се однесува до српските фирми, на огласите ги има значително помалку, но највисоката понудена плата е 200.000 динари (околу 100.000 денари) за искусни диспечери.

Иако звучи како лесна работа, всушност е многу одговорна“, вели Турински.

Што се однесува до условите, секоја компанија си ги поставува, но сите огласи имаат едно заедничко – добро познавање на англискиот јазик, а на ниво C1, е задолжително.

Потенцијалниот кандидат мора да знае подеднакво добро да пишува и зборува англиски.

Повеќето работодавци бараат одредено искуство на истата позиција – од три месеци до две години, но има и такви компании кои се подготвени да ангажираат почетници.
Има и еден услов кој обично е проблем за некои кандидати, а тоа е работното време.

„Со оглед на тоа што се работи главно за американски компании, работното време се одредува според нивната временска зона, па често работат ноќе, што би било трета смена“, вели Турински.

Работното време, инаку, трае осум часа. Што се однесува до останатите барања, некои компании не го наведуваат ниту потребното стручно образование, а оние кои го бараат, најчесто тоа е средно образование.

„Иако оваа работа не е нужно наменето само за младите, всушност е најинтересно за нив“, вели Турински.

Тој посочува дека често за работа се пријавуваат студенти кои наутро одат на предавања, а работат остатокот од денот, но и генерално млади луѓе чии секојдневни обврски им дозволуваат да работат во смени кои траат до доцна во ноќта.

„Секако, без разлика на возраста, примамлива е и платата“, додава Турински.

На крајот, соговорникот на Нова.рс. посочува дека оваа професија во никој случај не е дефицитарна, а заинтересирани кандидати секогаш има.

Фото: Pexels