ПравдаСветот на работникот

Сведочење за маките на текстилните работнички

Се забранува работа - Работник
308views

За облеката и чевлите да стигнат до блескавите трговски центри, некои работнички во Србија буквално паѓаат во несвест. И сето тоа за минимална плата, а понекогаш ни за толку.

„Во лето не дозволувал користење апарати за разладување, па во халата владеел пекол, а во зима не вклучувал греење. Работничките морале да шијат во зимски јакни, да дуваат во прстите за малку да ги загреат. Тие трпеле и работеле, биле заклучени зашто газдата се плашел од инспекција, не сакал да се знае дека произведува јакни без лиценца или било каква контрола на квалитетот.“

Ова е само извадок од животот на работничките во текстилната индустрија, регистриран од зрењанинската организација „Роза“ која при обиколката низ Србија ги запишувала нивните приказни.

Некогаш моќната текстилна индустрија, која вработуваше околу 250.000 работници, ја замени доминантно производство за големи модни марки во мали погони со неизвесен рок на траење, во кои работат околу 80 проценти жени. Според истражувањето на организацијата „Кампања за чиста облека“ („Clean Clothes Campaign”), кршењето на нивните работнички права во овие фабрики е правило, а не исклучок.

„Тоа е комплет жалби кои се повторуваат“, вели за Дојче веле Бојана Таминџија од оваа организација. „Тоа се ниски заработувачки, прекувремена работа која ја преминува границата на дозволено, неплатена или недоволно платена прекувремена работа, многу лоши услови за работа, без вентилација и клима“, вели Таминџија.

Целиот текст можете да го прочитате тука