ПравдаСветСветот на работникот

Кина се соочува со критики откако не му издаде работна дозвола на дописникот на „Њујорк тајмс“

Њујорк тајмс- Работник
93views

Кина наиде на критики откако властите одбија да му издадат работна дозвола на дописникот на Њујорк тајмс, која се однесува и за континентална Кина и за Хонг Конг, јави ДПА.

Од Крис Бакли, кој неколку години работеше за весникот од Хонг Конг, во мај беше побарано да ја напшти континентална Кина откако кинеските власти одбија да ја обноват неговата новинарска виза, соопшти американскиот комитет за заштита на новинарите (ЦПЈ).

Минатата недела властите во Хонг Конг, исто така, одбија да ја обноват дозволата на Бакли да работи во специјалниот административен регион без да наведат никаква специфична причина, соопшти организацијата.

– Забраната на новинар од Њујорк тајмс да работи во Хонг Конг го крши основното ветување за слобода на печатот, кое постојано му се дава на народот во Хонг Конг, тврди Стивен Батлер од ЦПЈ.

Њујорк тајмс- Работник

Батлер, координатор на програмата на ЦПЈ за Азија во Вашингтон, ги повика имиграциските власти во Хонг Конг „да ја сменат оваа одлука, која го поткопува слободниот проток на информации клучни за успехот на Хонг Конг“.