Колкав буџет треба да има, а колку одвојува државата за Државниот инспекторат за труд?
- Вештачката интелигенција и иднината на работните места: Меч со две острици - 18/09/2024
- Овој град дава 900 евра за да се преселите во него - 16/09/2024
- Да ги задржиме оние кои ни останаа! - 14/09/2024
Препораките на Владата за високите температури, кои не се задолжителни, не се почитуваат од страна на одредени компании, особено во градежниот сектор. Пред неколку дена, 30 фирми добија забрана за работа од Државниот инспекторат за труд поради непочитување на мерките, што покажува дека во Македонија препораките не се сфаќаат доволно сериозно.
Претседателката на „Гласен Текстилец“, Кристина Ампева посочи дека изминатите денови до нив се обратиле работници, но и граѓани кои се пожалиле дека не се почитуваат мерките на Владата кои се однесуваат на работниците, а во врска со топлотниот бран. Таа за МИА рекла дека пријави им пристигнале од Штип, Скопје и Свети Николе.
Од Скопје и Штип имаше пријави за градежни работници, работници од јавни претпријатија во текот на вчерашниот ден (19 јули). Гледаме да реагираме со Трудовиот инспекторат и за ослободување и на бремените жени, а за хронично болните министерството за здравство сметаше дека нема потреба да бидат ослободени од работа, рекла Ампева.
Според неа, свеста кај работниците се зголемува оти се поголем број пријавуваат прекршувања на работничките права. Таа додаде дека имаат добра соработка и со инспекторите за труд кои ажурно работат на терен за да увидат дали се почитуваат препораките.
Претседателката на „Гласен Текстилец“ се осврна и на тоа што текстилните работнички во Штип се возат во неклиматизирани автобуси, за што тие како здружение имаат реагирно до надлежните органи.
Вчера таа на својот Фејсбук профил објави дека од страна на инспекторите за безбедност и здравје при работа, сообраќајната полиција и сообраќајниот инспекторат при Општина Штип се вршела контрола на автобусите кои превезувале работници до фабриките, по што еден превозник добил забрана за превезување на патници. Контролата покажала дека најчесто станува збор за претовар и неклиматизирани автобуси.
Таа посочи дека контролите на автобусите со кои се превезуваат штипските текстилни работници ќе продолжат и од понеделеник.
До тогаш имаат време да ги средат климите. Возат луѓе, а не предмети, и тие луѓе заслужуваат нормални услови и на работа и во превозот. Апел до работодавачите да ги контактираат и проверат условите во кои се возат работниците“, напиша Ампева на Фејсбук.
Мал број на инспектори
Вчера, Милан Петковски, стручно лице од областа на безбедноста и здравјето при работа објави еден Фејсбук статус кој се однесуваше на малиот број на инспектори и недоволните финансии. Во него тој напиша:
