ЕкономијаМакедонија

Народна банка размислува повторно да ги одложи ратите за кредитите за граѓаните

Народна банка размислува - Работник
168views

Народна банка размислува повторно да ги одложи ратите за кредитите за граѓаните.

Според информациите на Алсат, неделава банките ќе имаат средба со надлежните институции, по што конечната одлука ќе се донесе во текот на наредната недела.

Во моментов во тек се анализите во кои се земаат во предвид состојбите со пандемијата од ковид 19. Доколку не се продолжи оваа мерка, граѓаните кои ги одложија плаќањата на кредитите и на износите за кредитните картички ќе почнат повторно да ги плаќаат од први октомври.

Одлуката за повторно одложување ја носи Народната банка, по претходни анализи и дискусии со деловните банки во земјава.

Постојано го следиме развојот на случувањата и притоа, секако, подготвени сме соодветно да ги приспособуваме политиките и навремено да реагираме во согласност со нашите надлежности. Во тек се анализи, врз основа на кои наскоро ќе се заземе став по однос на ова прашање, водејќи сметка и за потребите на граѓаните и за стабилноста на банкарскиот систем.“

Банките немаат конечен став дали треба да има повторно замрзнување на кредитните обврски. Но, се подготвени да излезат во пресрет на граѓаните доколку е потребно, велат од Народна банка.

 

Членките на Македонска банкарска асоцијација ја разгледуваат потребата и можностa за понатамошна помош на  населението и стопанството, но во овој момент се уште не е заземен конечен став.

Македонската банкарска асоцијација е целосно посветена на изнаоѓање на решенија за надминување на проблемите предизвикани од оваа криза, велат од асоцијацијата.

Откако се воведе оваа мерка на почетокот од април, 70 отсто од граѓаните решија плаќањето на ратите за кредити да го одложат за шест месеци. За овие шест месеци, банката пресметува месечна камата врз остатокот од кредитот, односно врз основа на новиот амортизационен план, по што оваа камата рамномерно ќе се распореди на ратите до крајот на кредитот.

Извор: Лидер