НовостиСветот на работникот

Ова се двете НАЈЛОШИ навики на колегите на работа

   Време за читање 5 минути

Можеби ќе сакате да размислите двапати пред да го подигнете гласот на состанок или да се пожалите од колегата зад неговиот грб. Гласните говорници и канцелариските озборувања кои започнуваат од колегите, се најиритирачки, покажува неодамнешниот извештај на Роберт Хаф кој анкетирал повеќе од 1,000 вработени во август.

„Некои пречки доаѓаат и заминуваат, но канцелариските озборувања и гласните говорници доста пречат и навистина можат да влијаат на вашиот фокус, продуктивноста и односите на работа. Тие не се само попречувања, тоа се опасни навики кои можат да предзвивикаат нереди во вашата кариера“, рекол Дан Феј, оперативен претседател на Роберт Хаф.

Непријатноста станува се‘ поизвесна поради тоа што се‘ повеќе луѓе се враќаат во канцелариите по работењето од дома повеќе од три години. Затоа не е изненадување што грешките во професионалниот бон-тон стануваат се‘ почести, се наведува во извештајот.

Како што објаснил Феј, некои вработени ги смениле работните места во текот на пандемијата, а други, работејќи на далечина, можеби развиле нови навики кои ги поместуваат границите на однесувањето наменето за во канцеларија.

Стратегии за надминување на пречките

Брендон Смит, терапевт и тренер за кариера познат како The Workplace Therapist, претставил стратегија за надминување на овие две лоши навики на колегите.

Како да постапите со гласните колеги?

Блокирајте ги: Ако ви е пријатно да користите слушаки за неутрализирање на вревата или можете да се преместите во друга просторија, прво обидете се да избегнете било каков потенцијален конфликт со гласниот говорник.

Замолете ги за помош: Ако не можете да го избегнете гласното зборување, почекајте следниот пат кога ќе имате важен повик или голем проект и однапред замолете ги да бидат потивки. Смит го предлага следното сценарио: „Жал ми е, навистина не сакам да пречам, но имам важен повик за еден час, па ако би сакале да зборувате малку потивко за тоа време, тоа би ми помогнало да се сконцентрирам и навистина би го ценел“.

Со оваа постапка однапред поставувате здрава граница. Тоа е повик до нив да помогнат. За поголемиот дел од луѓето таквите барања се во ред, бидејќи тоа е прилика да покажат дека се добронамерни, великодушни и љубезни, додал тој.

Кога ништо друго нема да ви успее: разговарајте во четири очи со својот менаџер. Смит препорачува на вашиот шеф да му го кажете следното: Навистина добро би ми дошла помош, бидејќи многу од рабоата која ја имам бара фокус или одреден степен на приватност, а ова лице ме спречува да го постигнам тоа. Пробав други методи и ниедна не успеа, така што ако постои било каков совет кој би можелете да ми го дадете, навистина би го ценел тоа“.

Како да се неутрализираат канцелариските озборувања?

Прво, морате да утврдите дали разговорот е ноншалантен или се прелева во оговарање, пишува CNBC Make It. Смит препорачува да си ги поставите себеси овие две прашања:

Дали лицето за кое се разговара би се чувствувало непријатно да учествува во овој разговор? Дали разговорот се фокусира на негативните работи или информации кои би можеле да наштетат на нечија репутација?

Ако одговорот на било кое прашање е „да“, тоа е озборување и треба да се избегне по секоја цена. Но ако сте соочени со канцелариски озборувања, за себе или некој друг, еве што да направите:

Разјаснете, па потоа соочете се: Ако некој ви пријде и ви каже дека другите ве озборуваат, прашајте за деталите, советува Смит.

„Немојте пребрзо да носите заклучоци или откривате емцоии. Наместо тоа, речете: „Можеби погрешно сте разбрале. Можете ли да ми кажте повеќе за тоа што сте слушнале?“, рекол тој.

Соочување со озборувањата

Кога се‘ ќе ви биде јасно околу озборувањата, вратете се на изворот и директно соочете се со него.

„Претпоставете позитивна намера и претставете ја како проблем кој сакате да го решите заедно. Кажете: ‘Ги слушнав овие коментари и сигурен сум дека тоа не е она што сте имале намера да го кажете, но се заглавив во тоа како да го толкувам и за да продолжам понатаму, добро би ми дошла ваша помош’“, навел Смит.

Ако колегата се обидува да ве наведе на озборување, држете се на професионална дистанца.

„На пример, ако вашиот соработник ве замоли да се вклучите во негативната критика кон некој друг колега, можете да му кажете: ‘Немав ниедно искуство од тие со нив, така што навистина не можам да додадам многу. Променете ја темата“, истакнал тој.

Во идеален случај, вашите соработници ќе добијат чувство дека не сте еден од оние кои озборуваат. Но, ако повторно ви пријдат заради озборување, обидете се суптилно да го пренасочите разговорот.

„Озборувањето на работа речиси никогаш не завршува добро, само доведува до повредување и намалување на довербата“, заклучил Смит.

Извор: Telegraf Biznis

Фото: Unsplash

Бобан М. Илијевски

Новинар за работни односи, кариера и човечки ресурси