- Advertisement -
МакедонијаСиндикат

ПОВРЕДЕНА РАБОТНИЧКА ВО „ДРЕКСЛМАЕР”

ПОВРЕДЕНА РАБОТНИЧКА ВО „ДРЕКСЛМАЕР” -Работник
315views

Работничка се здобила со повреда во германската фабрика „Дрекслмаер” во Кавадарци, потврдија од Државниот инспекторат за труд.

– Наш инспектор излезе на лице место. Според нашите првични информации, усната изјава на работничката е дека повредата настанала поради нејзино невнимание. Инспекторот за безбедност и здравје при работа од Кавадарци констатирал дека машината на која работела работничката била излепена со знаци за предупредување (опасност), кои треба да се почитуваат. Првично, станува збор за потфатена рака, но повеќе детали не може да се кажат бидејќи во тек е дополнителниот надзор за овој случај, рекоа од Инспекторатот.

Advertisement

Информацијата за повредена работничка во „Дрекслмаер“, попладнево ја потврди и портпаролот на СВР Велес, Анита Стојковска.

– Денеска во 9:30 часот во Полициска станица Кавадарци пријавено е дека во фабриката „Дрекслмаер” во Кавадарци при работа повредена е една од вработените и е пренесена во ЈЗУ Општа Болница Кавадарци. На лице место излезени се инспектор за заштита при работа и полициски службеници од Полициска станица Кавадарци, вели Стојковска.

Advertisement
Advertisement

Од кавадаречката болница изјавија дека работничката била препратена на скопските клиники.

Преземено од МИА

Advertisement