ЗанимливостиСветот на работникот

Преговори за поголема плата: Постои ли лесен начин за постигнување на целта?

Преговори за поголема плата - Работник
185views

Кога се во прашање преговорите за вашата плата, конвенционалната мудрост сугерира дека би требало веднаш да „тргнете силно или да тргнете дома“ (Go hard or go home).

Но, новото истражување може тие претпоставки да ги преврти и да ве натера да размислите како да постапите на следното преговарање за зголемување на платата, пишува CNBC Make It за резултатите на најновото истражување, а пренесува Пословни дневник.

Хардбол „победникот зема се“ стратегиите се премногу кратковидни и не ги земаат во предвид моменталните односи, тврдат истражувачите од бизнис школата Вартон кои наведуваат дека балансираното преговарање – или дури избегнувањето на преговорите во потполност – може да биде најдобар пат во остварувањето на вашите долгорочни цели.

„Понекогаш со поагресивен пристап може завршите со подобар преговарачки исход… но, преку тој процес, создавате конфликт поради кој на крајот завршувате полошо“, изјавил ко – авторот на истражувањето, професор Маурис Швејтцер.

Откритијата фрлаат сенка врз традиционалните упаства на експертите за кариера и преговарачките книги, а за кои Швајтцер рекол дека несразмерно водат кон преговорите, но не успеваат во предвид да ги земат последиците.

„Не можеме да претпоставиме дека, кога преговараме, преговарачкиот процес ќе заврши со спогодба и веднаш после тоа ќе започнеме со нов. Наместо тоа, преговарачкиот процес е дел од поширокиот однос кој го имаме“, забележал.

Истражувањето кое настанало во соработка со научникот на податоците на Убер и истражувачка Еинав Харт, проучило 1,200 учесници за да ја измери нивната ефикасност по преговорите. Шест екперименти биле вклучени во завршната работа под наслов „ Да се дојде до помалку: кога преговорите им штетат на резулатите по постигнувањето на спогодба“ (Getting to less: When negotiation harms post-agreement performance).

Долготраен, а не краток и инензивен процес

Ко – авторката Харт рекла дека наодите покажуваат дека преговарчкиот процес треба да се набљудува како постојан, двострано корисен однос. Таа ја споредила постапката со поволните цени на каучите, само за да се соочиме со ужасната услуга кога е во прашање доставата на предмети.

„Во многу случаи преговорите се само почеток на нашиот однос или интеракција“, рекла Харт.

„Не дека, кога заминуваме од масата, сите забораваат што се случило. Се сеќаваме на цените кои сме ги постигнале или некој договор којшто сме го постигнале, но се сеќаваме и како сме го постигнале тој исход и ја обликуваме перцепцијата на нашите колеги. Тие односи можат да имаат долгорочни последици вон преговарачката маса“, рекла.

Авторите рекле дека резулатите би требало да ги поттикнат работниците и работодавачите долгорочно да гледаат на преговорите. Пред да се опуштат во идни преговори им препорачауваат разгледување на две опции: Прво, треба ли воопшто да се влезе во преговори; и второ, да се изгради однос без конфликт.

„Треба навистина на ум да го имаме односот кој го негуваме. Во срцето на преговорите постои идеја дека имаме некои конфликтни интереси и некои заеднички интереси“, рекол Швајтцер.

„Една од клучните идеи кои треба да ги имаме на ум е како управуваме со овој процес на интеракција со другите луѓе, за да не ги истакнеме точките на конфликтот и да ги оставиме колегите да се чувствуваат дека нивните интереси се во конфликт со нашите“, додал тој.