- Advertisement -
ЗанимливостиМагазинНаука

Опасно и невистинито тврдење на Романски пулмолог дека протоколот за ковид-19 ги убива пациентите!

Романски пулмолог: Протоколот за Ковид-19 е тоа што ги убива пациентите! - Работник
52.6Kviews

Без никаков доказ беа објавени низа тврдења од страна на Романски пулмолог – Флавија Грожан, во врска со лечење и  третирање на пациенти заразени од ковид-19 каде се установи дека беа неточни а притоа и навистина опасни тврдења кои ја возбудија и македонската јавност.

Флавија Грожан, пулмологот од Романија која ја разбранува медицинската фела како и романската јавност со нејзното одбивање да ги лечи пациентите болни од ковид-19 според официјалните утврдени протоколи, доби место и во македонските медиуми каде впрочем имаше и нашиот портал превземен текст од истата личност кој можете да го најдете тука.

Advertisement

Оваа докторка вели дека официјалниот протокол за лекување на ковид-19 е тоа што ги убава пациентите, а овие заклучоци ги базира на нејзиното искуство со како што тврди, лечење на речиси илјада пациенти кои дошле во нејзиниот дом во различни фази на болеста. Притоа, таа вели дека користи сопствен протокол, се консултира преку Интернет и така ги лечи пациентите.

Но доктор да каже дека се консултира преку Интернет и така да ги лечи пациентите е недозволиво во медицината. Особено затоа што ваквите мислења потоа масовно се шират на интернет просторот.

Advertisement
Advertisement

Притоа, невозможно е да лечела пациенти во различни фази на болеста кои доаѓале во нејзниот дом. Доколку пациенти болни од ковид-19 можеле да стигнат до нејзиниот дом, тогаш тие биле со полесни симптоми, а не со потешки како оние пациенти кои се хоспитализирани и имаат потребна од постојана медицинска помош.

Во текстот се тврди дека 100 проценти од нејзините пациенти биле излекувани без најмало лекување во болница. Но, нема никаков доказ дека се работи за ваквата бројка, ниту, пак, дека навистина сите овие лица биле инфицирани со вирусот.

Одвојуваме уште една неточна изјава:

Ковид е пневмонија – секако нетипична, но пневмонија – и треба да се третира како таква, рече таа.

Ова е неточно. Ковид-19 не е пневмонија. Ковид-19 е болеста којашто ја предизвикува коронавирусот. Бидејќи болеста е предизвикана од вирус, а не од бактерија, СЗО не препорачува користење на антиобиотици како превенција или третман за болеста.

Дел од заболените со овој вирус, може да развијат бактериска инфекција, односно пневмонија како една од можните компликации и таа треба да се лечи со антибиотици. Но, не секој заразен ја добива оваа компликација што значи дека не е точно да се тврди дека ковид-19 е исто што и пневмонија.

Според оваа докторка, на пациентите со над 80% сатурација треба да им се дава многу малку кислород и тврди дека премногу кислород и интубацијата ги влошуваат симптомите на болеста и доведуваат до смрт.

Но, според Националниот институт за здравство, владина агенција во САД задолжена за истражување на биомедицинско и јавно здравје, нормалниот опсег на заситеност на кислород кај пациенти заразени со ковид-19 е 92-96%. Според СЗО, сатурација помала од 90% преставува клиничка итна состојба и бара соодветна болничка интервенција со соодветна доза на кислород.

Ова нејзино контроверзно тврдење, направило хаос во болниците во Романија каде, како што јавуваат романските медиуми, некои пациенти кои биле во критична состојба со ниска сатурација и отежнато дишење, одбивале да бидат третирани со кислород.

Ова е една од причините што таа била повикана од Советот на лекари во Романија, кои ги истражуваат нејзините постапки во врска со третманот којшто го користи на нејзините пациенти, а е различен од оној што го предвидуваат медицинските протоколи во Романија.

Личните убедувања на некои доктори, коишто се косат со официјалните податоци и протоколи усвоени на светско ниво, можат да бидат опасни и да доведат во ризик човечки животи. Ваквите искажани лични мислења, кои се шират на социјалните мрежи, треба да се земат со огромна резерва, бидејќи никој не презема одговорност за ефектите кои ваквите објави можат да ги имаат врз читателите.

Advertisement