- Advertisement -
МагазинНовостиПравда

СОС Детско село го одржа настанот „Едно семејство“

СОС Детско село - Работник
125views

СОС Детско село, по повод Меѓународниот ден на човековата солидарност го одржа традицоналниот настан „Едно семејство“. Настанот преставува годишна церемонија за изразување благодарност за солидарноста и поддршката од донаторите. Оваа година се организираше и изложба од уметникот Мартин Буровски, младинец во СОС Детско село. Неговите уметнички дела се изложени во фоајето на М6 Едукативниот Центар до 25 декември годинава, каде секој зинтересиран може да купи дело од овој младинец.

Покровител на настанот и годинава е Елизабета Ѓоргиевска, сопруга на Претседателот на Република С. Македонија. 

„Токму овој значаен датум претставува можност да го афирмираме значењето на солидарноста, пред се преку примерот со активностите на СОС Детско село, но и воопшто да проговориме за нејзното значење во нашето општество. Мора да го истакнам значењето на корпоративниот сектор, како и на бројните индивидуалци кои на дело ја покажуваат својата хуманост и солидарност“, рече Ѓоргиевска во своето обраќање. 

Изложбата свечено ја отвори Австрискиот амбасадор во Република С. Македонија, Георг Вуцас.

„Како што покажа пандемијата, потребна ни е човечка солидарност повеќе од кога било. Само солидарноста ќе овозможи да ја надминеме оваа глобална здравствена криза. Младата генерација е вистинско богатство на секоја нација. СОС Детските села обезбедуваат квалитетна грижа за децата кои веќе изгубиле или ризикуваат да ја изгубат родителската грижа. Ниту едно дете не треба да се групира само, секое дете треба да живее во стабилно и грижливо семејство“, рече Вуцас. 

Според Јулијана Гапо, национален директор на СОС Детско село, дарежливоста и солидарноста имаа круцијална улога годинава, поради влијанието на Ковид – 19. 

„Солидарноста и љубезноста кон другите е најдобра човечка особина, таа не разбира јазик, таа не разбира граници или религии… таа почива на нашата универзална вредност – човечноста. Да работиме сите заедно на тоа сите деца и млади да живеат во општества каде што сите ќе имаат право на подеднаква среќа и да се стремиме кон колективната среќа на заедницата да биде неизоставен порив на секој човек“, порача Гапо. 

СОС Детско село изрази Голема благодарност до партнерите – компаниите кои несебично помагаат во реализација на неговата мисија. Статуетка за Најголем корпоративен донатор во 2020 година добија Пивара Скопје, Осигурување Македонија и Агенцијата за електронски комуникации. Плакети за значаен придонес и поддршка добија компаниите Кап Карго, Пакомак, Хуссе-Кордеа, Гранит, Битолска Млекара, Алкалоид АД Скопје, Тулбе БВ, Форма, Фармахем, Унија Финансиска, Еко Мозаик, Макпрогрес, АД Др Пановски.

Како најголеми индивидуални донатори, плакета добија Варвара Стојановска Чукиќ, Јулијана Пецовска, членови на Православната Црква Свети Климент во Диарборн – Мичиген, Кристиан Тимоние, Стефани Неделкова, Лоди Гоговска и Снежана Кимова.

Марија Челебиева, Марија Цветановска, Марио Ристовски, Анита Силановска и Мартин Гегоски се добитниците на плакета за најголем посветен индивидуален донатор за 2020 година.

Благодарница за придонес и поддршка во 2020 година добија Везе шари, Комисија за хартии од вредност, Бест Веј, Аптив, Аптека Ани Фарм, Мебел Ви, Шортлист ЛЛЦ, Тиан Де, Перутнина Птуј, Боград Струга, Бе-Да Логистик, Тетекс Ад Тетово, Експекта Медикал, Дабар Дооел, Пекабеско АД, Вато Доо, Цилиндо Интернационал, Блиц Инженеринг и Салекс ИНГ.

СОС Детско Село е дел од интернационалното семејство кое работи во 136 земји и е посветено на помош и поддршка на најранливите – ДЕЦАТА. СОС Детско село работи сплотено како ЕДНО СЕМЕЈСТВО, е посветено за ТОПОЛ ДОМ и ГРИЖА ЗА СЕКОЕ ДЕТЕ.