ПравдаСветСветот на работникотСиндикат

Штрајк на вработените во здравството и образованието во Косово

Штрајк на вработените - Работник
71views

Централниот штрајкувачки совет на Федерацијата на синдикати за здравство соопштила дека во тек е најавениот штрајк во сите здравствени установи во Косово.

Досега сите вработени го прифатиле општиот штрајк, соопштуваат од Централниот штрајкувачки совет.

Штрајк е организиран и во поголемиот дел на образовните установи во Косово. Во училиштата и на Универзитетот немало настава два часа.

Вработените во здравството и образованието бараат зголемување на платите, пишува РТС.

Косовскиот Уставен суд одлучил да ја прекине примената на Законот за зголемување на платите во јавниот сектор до 30 март следната година, а барање за земање во предвид на законот поднел и косовскиот Омбдусман.

Одлуката на Уставниот суд може да ги радикализира барањата на организаторите на штрајкот, најавуваат од синдикатот.

Претседателот на Обединетиот синдикат за образование, Рахман Јашари рекол дека одлуката на Уставниот суд е лоша вест за синдикатите, бидејќи таа се однесува на 60,000 вработени.