Решенија за неплатен принуден одмор добиле 5,305 невакцинирани здравствени работници од Грција
Решенија за принуден, неплатен одмор досега добиле 5.305 невакцинирани вработени во здравството во Грција, соопшти алтернативната министерка за здравство Мина Гага, јави дописничката на МИА од Атина.
-Во болниците лекарите се 2,1 отсто, односно 447 од вкупно 21.000, од медицинските сестра се 2.700 од вкупно 40.000, а од административниот персонал се 879 од вкупно 11.960 вработени, рече Гага.
Дополнително, објасни дека доделени се решенија на 5,8 отсто од вкупниот број вработени и потенцираше процентот не е голем, а тие се во континуиран контакт со сите болници, за да се решат евентуалните проблеми со недостиг на персонал.
Од 1 септември вакцинацијата е задолжителна за здравствените работници и сите вработени во државните и приватните болници, а во спротивно доколку не се вакцинираат ќе бидат на принуден, неплатен одмор на неодредено време.
Министерството за здравство на Грција, достави амандман, што веќе е изгласан од Парламентот, со кој им се дава можност на невакцинираните здравствени работници регуларно да се вратат на работа доколку ја примат првата доза и со предуслов да ја завршат имунизацијата, наспроти претходната одлука што не им гарантираше враќање на истата позиција, во случај на вакцинација по 1 септември и добивање решение за принуден неплатен одмор.
- Вработените во културата ја добија мартовската плата покачена за 12 проценти, вели Костадиновска-Стојчевска - 19/04/2024
- Вработените во културните институции со протести поради задоцнетите и ниски плати - 19/04/2024
- МИСАЈЛОВСКИ: Економијата, стандардот и отворање на нови 50.000 работни места се во фокусот на програмата на ВМРО-ДПМНЕ - 19/04/2024