БЛАЗЕ НЕМУ СО ОВАА ПЛАТА: Црногорец заработува 55 пати поголема од просечната

Највисоката бруто плата во Црна Гора во ноември изнесувала 74.039 евра, соопшти Даночната управа.

Нето тоа е околу 54,5 илјади евра. Лицето кое го добило тој приход во ноември е вработено во трговија на големо со компјутери, компјутерска опрема и софтвер.

Останатите четири највисоки плати за ноември им биле исплатени на вработените во секторот за хотели и слично сместување, пренесува весникот Дан.

Втората највисока бруто-плата за ноември изнесува 45.286 евра, што е нето сума од околу 33,5 илјади евра.

Третата највисока бруто плата во ноември изнесувала 41.883 евра, четвртата 40.596 евра, а петтата 36.049 евра, што е околу 26,5 илјади евра нето.

Просечната плата за ноември во Црна Гора била 993 евра.

Извор: Бизпортал.рс