За еден месец 1.530 компании во Германија прогласија банкрот

Во октомври 1.530 компании во Германија прогласија банкрот, тоа највисока бројка во изминатите 20 години, соопшти денеска Институтот за економски истражувања во Хале.

Банкротот на фирмите се должи на неколку фактори – постојаниот економски пад, зголемувањето на расходите за плати и енергија и дополнителните ефекти од времето на пандемијата, посебно компаниите со помала финансиска состојба кои добиваа државна помош.

– Сегашниот бран банкротства е резултат на комбинација на континуирана економска слабост и драматично зголемени трошоци, истакна Штефен Мулер од Институтот.

Тој додаде дека најпогодени се градежништвото, трговијата и услугите поврзани со бизнисот.

Фото: Shutterstock/canadastock