ОВА Е ВРАЌАЊЕ ВО ФЕУДАЛИСТИЧКО ОПШТЕСТВО: Гласен Текстилец со реакција на донесените закони
Време за читање 1 минута
Работното време на коридорите 8 и 10 кое Гласен Текстилец пред само неколку месеца го оспори пред Уставен суд, а истиот суд го оцени како неуставно законско решение, денеска беше донесено со европско знаменце од страна на владината коалиција.
Ова е уште еден пример на злоупотреба на европското знаменце, кршење на конвенциите на Меѓународната организација на трудот! Ова е враќање во феудалистичко општество и експлоатација на градежните работници!
Ова е само еден грозен почеток на злоупотреба на работничките права, со наводно стратешки проект и дозвола за прекувремена незаконска работа, кој почеток понатаму ќе се користи и за останати дејности да бидат квалификувани како стратешки дејности, проекти, интереси , под влијание на разни структури, крупниот капитал , олигарсите.
Ова денес е пораз за сите работници, за сите синдикати, за нас како организација која пред неколку месеци го оспори ова пред Уставен суд.
Оттука упатуваме голема загриженост за состојбата со човековите права, со почитувањето на законите, злоупотреби со европско знаменце за не европски закон.Но и очекуваме дека Претседателот на државата, Стево Пендаровски дека денешните изгласани закони, вклучитечно и измената во Законот за работни односи нема да бидат потпишани од негова страна.
Latest posts by Портал Работник (see all)
