„Отпуштени по грешка“: Маск побара некои од отпуштените вработени да се вратат во Твитер

Твитер побара некои од вработените кои беа отпуштени да се вратат во компанијата. Ова го објави Блумберг, повикувајќи се на извори.

Слично барање компанијата упатила и до десетици вработени, бидејќи некои од нив биле отпуштени по грешка. Останатите, според Блумберг, биле отпуштени пред врвниот менаџмент да ја сфати важноста на нивните вештини и искуство за социјалната мрежа.

На 27 октомври, американскиот претприемач Илон Маск го затвори договорот за купување на Твитер. Една недела подоцна, Блумберг извести дека Маск планира да отпушти околу половина од сите вработени во компанијата – 3,7 илјади од 7,5 илјади Наскоро се појавија информации за првите кратења на трошоците.

Коментирајќи ги информациите за отпуштањата, Маск увери дека „нема друг избор“. Според милијардерот, во сегашните услови социјалната мрежа губи повеќе од 4 милиони долари дневно.

Ко-основачот на Твитер и поранешен извршен директор Џек Дорси објасни дека масовните отпуштања на Маск се должат на „пребрзиот раст на компанијата“.