МакедонијаПравдаСветот на работникотСиндикат

По 25.000 денари награда за секој вработен бара Полицискиот синдикат

136views

Раководството на Македонскиот полициски синдикат во периодот кој што измина на повеќе наврати од министерот Чулев покрај низата барања, бараше на сите вработени во Министерството за внатрешни работи поради посебен придонес во борбата со Covid 19, да им се исплати награда во висина од најмалку една просечна плата. Министерството не го прифати нашето барање при што нелогично за нас самостојно излезе со барање до Владата на Република Северна Македонија за донесување на Уредба со законска сила според која на секој вработен во Министерството за внатрешни работи да му се исплати награда во висина од 15.000,оо денари. Денес после изјавата на Министерката за Финансии се обелодени дека МВР ги нема и тие парични средства односно нема парични средства за исплата и на 15.000,оо денари награда на секој вработен и дека со ребалансот на буџетот нема побарано финансиски средства за оваа намена, соопштија од МПС.

За нив како единствен репрезентативен синдикат на полицијата сумата од 15.000,оо денари е потценувачка и омаловажувачка поради што од министерот бараат под итно да изнајде начин и парични средства и на сите вработени во МВР да им се исплати парична награда во висина од најмалку 25.000,оо денари.

Македонскиот полициски синдикат се надева и на јавна поддршка на ваквото нивно барање од причини што сите граѓани на Република Северна Македонија се свесни за жртвата и посветеноста на припадниците на Министерството за внатрешни работи во насока на зачувување на здравјето, имотот на граѓаните и јавниот ред и мир во овој период на владеење на светска пандемија од вирусот Covid 19.

Ги охрабруваат сите вработени во Министерството за внатрешни работи, Агенцијата за разузнавање, Агенцијата за национална безбедност и Управата за финансова полиција да продолжат со посветеното и пожртвувано извршување на своите службени задачи, а на МАКЕДОНСКИОТ ПОЛИЦИСКИ СИНДИКАТ да ја остават борбата за сите нивни права од работен однос со надеж дека во најкус временски период ќе ја добиеме наградата од најмалку една просечна плата во Република Северна Македонија.