СПМ со поддршка до Синдикатот на контролори на летање: Се надеваме дека правдата и разумот ќе преовладеат

Синдикатот на полицијата во Македонија му даде поддршка на Синдикатот на контролори на летање.

„Во духот на синдикализмот и поддршка на владеењето на правото, Синдикат на Полиција во Македонија – СПМ дава поддршка на претставниците и членовите на Синдикатот на контролори на летање, како и претседателот Александар Тасевски, со надеж дека ќе преовладее разумот и правдата. 

Се надеваме дека Јавното обвинителство, ќе се одважи и ќе ги преземе сите мерки за правилно и законско санкционирање на сите инволвирани во случувањата во М-НАВ, без разлика на тоа кои се чинителите на настанот, како и организаторите, помагачите и оние кои можеле, но не го спречиле настанот.

Синдикален поздрав“, стои во соопштението на СПМ.