- Advertisement -
ЕкономијаМакедонијаНовостиСветот на работникот

7,500 здравствени работници ќе добијат еднократна помош

Здравствен дом - Работник
268views

Владата донесе одлука за пренамена на дел од средствата за еднократна помош за 7.500 медицинските работници, кои вршејќи ја својата работа се директно во контакт со заразени лица со коронавирусот.

– За помошта што е предвидена во последните пакети за помагање на здравствените работници не е планирано екстра дополнително за медиумски работници, полицијата, управните служби и сите кои што се директно експонирани, заради тоа што најдиректно експонирани со заразени лица се докторите, медицинските сестри, болничкиот персонал. Се работи за околу 7.500 лица, заради тоа што се проширија на нови клиники, нови амбуланти, болници и тие се директно во контакт вршејќи ја својата работа со лица заразени од Ковид-19, рече премиерот Зоран Заев одговарајќи на прашање на МИА на денешниот отчет за сработеното во првите 100 дена од мандатот на Владата.

Заев изрази голем респект за медиумите кои ризикуваат информирајќи за ковидкризата како и за полицајците, управните служби и приватните компани но, како што додаде, овој пакет на директна финансиска поддршка е за здравствени работници бидејќи се најдиректно експонирани во своето работење со заразените лица.

Владата во саботата донесе одлука за пренамена на дел од средствата за еднократна помош за медицинските работници.