- Advertisement -
ЕкономијаМакедонијаНовостиСветот на работникот

Георгиевска: За три години просечната плата пораснала за речиси 4.500 денари

СДСМ - Работник
250views

Економските политики што во континуитет ги презема Владата предводена од СДСМ и премиерот Зоран Заев даваат реални, видливи резултати. И во време на пандемија и економска криза, не застана растот на платите во државата. Последна потврда за тоа е просечната плата за месец декември 2020 која изнесува 28.294 денари, што е за пет отсто повеќе во однос на декември 2019 година, рече денеска на прес-конференција на СДСМ, Марија Георгиевска, пратеничка на СДСМ.

Растот на минималната и просечната плата е врвен приоритет за СДСМ уште од првите денови на мандатот. Веднаш ја зголемивме минималната плата на 12.000 денари а потоа и на 14.500 и ја израмнивме во сите сектори.

Advertisement

Тоа, како и отворањето на нови работни места ја отвори спиралата на раст на платите и затоа три години по ред бележиме постојан раст на просечната плата.

Во последните три години, од крајот на 2017 кога е исплатена просечна плата од 23.850 денари до декември 2020 кога е исплатена просечна плата од 28.294 денари, бележиме раст на платите за 18,63 отсто. Односно, во апсолутна сума просечната плата од декември 2017 до декември 2020 година пораснала за речиси 4.500 денари.

Advertisement

Тоа е раст за повеќе од три пати споредено со периодот 2014-2017 година, последните години од владеењето на ВМРО-ДПМНЕ, кога просечната плата пораснала за 6,44 отсто, осносно за 1.443 денари.

Овие официјални податови ја потврдуваат успешноста на политиките на Владата предводена од СДСМ кои имаат за цел да обезбедат брз економски раст и подобар животен стандард.

Како одговорна партија продолжуваме посветено да работиме на креирање и реализација на мерки и проекти што градат силна, стабилна и развојна економија која носи шанса за сите. – рече Георгиевска.

Advertisement