„Златното славејче“ ги олабави блокадите на приватните превозници?! Арсовска ја нема

Автобусите на приватните превозници од 6 часот утринава беа паркирани на булеварот „Илинден“ од семаформите после Влада до „МИ-ДА“. Како што беше и најавено, блокирана беше само десната лента од булеварот.

Околу 200 автобуси и 300 возачи и сопственици на автобуси од приватните превозници на „Слобода превоз“ и „Мак-експрес“ го парализираат главниот град поради неисплатениот долг од страна на ЈСП „Скопје“. Колони на возила може да забележат низ улиците на Скопје а поради блокадите на ,,Илинденска отежнато беше  движењето на сообраќајот и на Партизанска.

Приватните превозници се спремни да почнат со вршење на превозот оној момент кога ќе им биде расчистен долгот, односно барем некој дел од долгот за да може да се надмине целата оваа ситуација, изјави денеска директорот на „Слобода првоз”, Ленин Јовановски.

Тој пред просториите на Град Скопје кажа дека приватните превозници денеска се откажаа од намерата да го блокираат градот на повеќе крстосници од причина што добиле одредени сугестии од граѓаните кои, како што рече, „ги уважиле”, како и поради тоа што денеска се одржува манифестацијата Златно Славејче.

– Денеска одлучија да ја демантираат градоначалничката со нејзините изјави за кои што тврдеше дека приватните превозници имаат 70 автобуси. Тоа вчера го демантиравме на прес- конференција и со документи, а и тука, за да ги види во живо дека се тие околу 200, и, исто така, граѓаните да ги видат. Токму затоа и нема некоја посериозна блокада, туку, како што гледате, е дозволен проток на движење на возилата, рече тој.

Јовановски информираше дека на денешните средби со претставниците на приватните превозници разговарале за можните решенија да се извлече и Градот Скопје, и граѓаните да не страдаат поради ваква криза.

– Градоначалничката не ги прими ниту денеска приватните превозници да ги сослуша во нивните барања, да види дека не станува збор за никаков притисок, никакви закани или слично, како што беше наведено како изговор зошто не сака да седне и да се договори за проблемот, еве, вака, преку вас медиумите за да слушнат и граѓаните и таа дека приватните превозници се спремни да почнат со вршење на превозот оној момент кога ќе им биде расчистен долгот, односно барем некој дел од долгот за да може да се надмине целата оваа ситуација, посочи тој.

Директорот посочи дека доколку добијат некакви сигнали, одговор и решение, на нивниот предлог предлог, тогаш можеби ќе престанат и протестите.

-Во спротивно, оној протест кој што е најавен како помасовна блокада на Градот Скопје, кај Мавровка, Црвен Крст и Булеварот „Илинденска” ќе се реализира во понеделник, рече тој.

Покрај со „Макекспрес“ Градот Скопје го раскина и договорот со „Слобода превоз“ со што дефинитивно единствен автобуски оператор останува ЈСП.

И што од сето ова? Арсовска како да не сака позитивен исход со приватните превозници, им ги раскинува договорите за превоз на патници а они пак го блокираат градот, а во целата оваа лакрдија подебелиот крај го извлекуваат граѓаните на Скопје.

Ова мора и треба во најбрзо време да се реши, зошто со зачестените блокади на градот, освен што е отежнато движењето, невозможно е нормално работење и на институциите.

Градоначалничката со забрзано темпо ја губи поддршката од граѓаните. Скопјани не треба да размислуваат дали на време би стигнале на планираната дестинација. Освен најавените блокади на Илинденска денеска, беше блокирана и булеварот Кузман Јосифовски-Питу пред Народна банка без претходна најава, па така и сообраќајот во овој дел од градот беше закрчен.

Мајката на градот како што и самата сака да се претстави евидентно е дека не постигна ништо од најевеното, а ветуваше многу во предизборието, а се што направи е конфликт прво со ВМРО-ДПМНЕ, а сега со приватните првозници, односно со Јовановски како нивни лидер, а нејзин голем поддржувач пред изборите.

Во предизборната кампања за локалните избори Арсовска како да беше симпатизирана од страна на противкандидатите од помалите политички партии за разлика од својот најголем опонент тогашниот актуелен градоначалник на Скопје, Петре Шилегов.

Петар Георгиевски-Камиказа кои на локалните избори беше кандидат за градоначалник на Град Скопје поддржан од страна на политичката партија Левица во предизборните излагања суптилно и даваше поддршка на Арсовска, за сега по една година мината од изборите вели дека не
чувствува грижа на совест поради однесувањето на актуелната градоначалничка бидејќи таа и за време на вториот изборен круг ја немала неговата подршка.

„Никогаш не сум ја поддржувал. Еве, не можете да ме видите на ниту една фотографија со Арсовска како што е сега појава со тогашните поддржувачи, а кои сега се во кавга со неа. Дури, меѓу двата изборни круга многумина ми забележуваа што во знак на нејзина изборна поддршка не се фотографирам со неа. И тогаш им одговарав дека ќе се кандидирам за претседател на државата и зад мене не треба да стои ниту еден политичар зашто зад мене стојат моите животни успеси“

Во интервјуто за слободна ТВ Петар Георгиевски Камиказа оценува дека од политички аспект актуелната ситуација во Скопје е многу заматена и со неизвесен епилог.

„Видете, состојбата во градот е многу комплексна. Малку вина има во градоначалничката Арсовска, малку вина има во партијата што ја поддржа да стане градоначалничка. Ако партијата или членови на партијата што ја подржуваше ја финансираа нејзината изборна кампања, тогаш и нивните очекувања од неа се легитимни. Таа направи и уште прави грешки во чекори. Едноставно, со стилот на својата работа, Данела не може да се справи со тие кои и помогнале да дојде на местото градоначалничка на Скопје. На пример, тоа нејзиното „рачето во медот“, стана хит. Но, еве, партијата што ја подржуваше излезе од медот и сега – чие раче е во медот?

Извор: 24инфо