- Advertisement -
ЕкономијаМакедонијаНовостиСветот на работникот

Компаниите во ивент секторот пред колапс, бараат помош од Владата

Компаниите во ивент секторот - Работник
298views

Компаниите од индустријата за организација на настани денеска протестираат пред Владата со барање да се најде решение за состојбата на овој сектор којшто поради пандемијата и ограничувањата за работа бележи пад од 62 проценти.

Од Асоцијација на компании од индустријата за организации на настани ИВАП велат дека тоа што Владата деновиве го претставува како помош, ниту е помош ниту е планирано да бидат опфатени сите засегнати компании.

„Според официјалната статистика на Централниот регистар, нашиот сектор има пад на промет од 62 отсто за 2020 година и тоа е можеби највисокиот пад споредено со другите индустрии. Нашите компании се пред колапс“, истакнаа од Асоцијацијата ИВАП.

Оттаму најавија дека протестите ќе се одвиваат во континуитет, секој ден од 12:00 до 15:00 часот, сé до постигнување, како што велат, взаемно прифатливо и одржливо решение.