Ралповски на средба со Министерот за администрација Минчев: Поставени се повеќе барања

Претседателот на Конфедерацијата на слободни синдикати на Македонија, Благоја Ралповски заедно со претставници од Синдикатот на администрација и државна управа на Македонија, оствари средба со Министерот за јавна администрација, г-дин Горан Минчев.

На средбата се разговараше за предизвиците и моменталната состојба на вработените во јавната администрација.

Како синдикат ги поставивме своите барања како што се повлекување на законот за вработени во јавен сектор и законот за административни службеници од собраниска процедура, враќање на мерит системот, наградување, уредување на платите со колективни договори, покачување на платите во јавната администрација и обезбедување на подобри услови за вработените во јавната администрација.

Беше истакната и потребата за воспоставување на конструктивен социјален дијалог за сите прашања кои се однесуваат на вработените во јавната администрација.