СИТЕ ПАТИШТА ВОДАТ ДО ДОМА: Ѓуриќи се вратија од брод и создадоа уникатен бренд во срцето на Белград

По три години минати на прекуокеански брод, Дуња и Мирослав Ѓуриќ решија да ги спакуваат куферите, да се вратат во Србија и да започнат сосема ново поглавје во животот – овој пат како претприемачи. Во самиот центар на Белград го отворија „Babalu“, концепт на богати, домашни сендвичи кој веќе привлекува гости од целиот свет.

Идејата за ваков бизнис се тлеела уште додека патувале и работеле на брод од 2013 до 2016 година, посетувајќи повеќе од 20 држави и најмалку исто толку градови. Наместо да седат во ресторани, слободното време го користеле за шетање и уживање во уличната храна, особено во сендвичите на познат интернационален ланец. Таа инспирација подоцна ќе стане срцето на Babalu.

Првичната намера била заработениот капитал да го вложат во недвижност, но љубовта кон гурмански сендвичи и желбата за нешто свое надвладеале. Денес, Babalu претставува бренд кој успешно се пробива меѓу големите ланци за брза храна во главниот град.

@pricesadusom

🚢 Nakon tri godine koje su proveli na prekookeanskom brodu, Dunja i Miroslav Đurić vratili su se u Srbiju sa dobrom idejom i zarađenim novcem. 🥪 Kako su na brodu u pauzama imali malo vremena za obilazak gradova i luka, često su jeli brzu hranu, a onda poželeli da u Beogradu naprave sličan koncept, ali mnogo kvalitetniji i sa domaćim sastojcima. ❤️Sve nabavljaju kod malih proizvođača, na farmama i na pijaci, a koncept @Babalu, iako se nalazi u samom centru grada, kod ulaza u Skadarliju, okružen brojnom konkurencijom i velikim lancima, postao je prepoznatljivo mesto dobrog zalogaja.   

♬ Epic Inspiration – DM Production

„Од 17 години сум во угостителство, работев по клубови и ресторани пред да заминам на брод. По струка сум економист. Заедно со Дуња ја осмисливме целата идеја – таа креираше мени за салати, јас за сендвичи“, раскажува Мирослав. Со раѓањето на првото дете, Дуња се повлекла од секојдневното работење, но сега е задолжена за социјалните мрежи, а помага и братот на Мирослав – Никола.

Сендвичите имаат свои имиња и приказни, тежат најмалку 400 грама, и се подготвуваат исклучиво со домашни состојки. Пекарските производи доаѓаат од Мали Мокри Луг, сувомеснатите од село Качер на Златибор, кајмакот од Адрани кај Краљево, а свежиот зеленчук од село Сланци на периферијата на Белград.

Интересно, името Babalu потекнува од времето работеле на брод – тоа е позитивен бродски израз за некој кој е малку „блесав“, ведар и секогаш насмеан. Подоцна дознале дека на индиски јазик значи „дете“, што уште повеќе го збогатува симболизмот зад нивната приказна.

Ѓуриќи не само што го следеле својот инстинкт, туку и успеале да пренесат дел од светот во еден сендвич – и сето тоа, дома, во Србија.

Ако и вие имате ваква слична приказна, контактирајте не на rabotnik.mkd@gmail.com.

Извор: Bizportal.rs