- Advertisement -
МакедонијаПравдаСветот на работникотСиндикат

СОНК демантира дека учествувал во креирање на Концепцијата за основно образование

СОНК - Работник
1.04Kviews

Во неколку наврати имам кажано дека СОНК никогаш не бил вклучен во изработка на Концепцијата за реформа на основното образование, па така и овојпат сум дециден и кажувам дека СОНК бил само информиран за новата Концепција и тоа во два наврати, вели Претседателот на СОНК Јаким Неделков, на прашањето на Порталот Работник дали е вистина дека синдикатот бил вклучен во изработка на Концепцијата, како што се наведува во текстот на Владата од 50 – тата седница.

„Еднаш само јас како Претседател бев поканет на презентација преку платформата Зум, а вториот пат пред поширокото раководство на СОНК, исто така преку оваа платформа. Тоа беше само презентација на новиот концепт за основно образование за коишто ние како синдикат дадовме јавно и писмено забелешки во однос на овој концепт коишто се од аспект на заштита и унапредување на правата на работниците, односно во доменот во кој СОНК како синдикат има надлежност, грижејќи се никој да не остане технолошки вишок, намален фонд на часови и помала плата“, рече Неделков.

Advertisement

Тој уште еднаш порача до јавноста дека СОНК не се меша во работи за кои нема надлежност, а своите ставови Советот на СОНК ги усвоил и јавно ги објавил. Вели дека истите биле доставени и до Министерството за образование и наука, каде што на работна средба со МОН побара да се разгледаат и усвојат.

Имено, официјалниот став на СОНК за Концепцијата е дека истата е избрзана и дека претходно потребно е да се направи пилот програма во неколку училишта за да се види каква ќе биде нејзината реализација.

Advertisement

Бобан Илијевски

Advertisement