Уредникот на „Инфомакс“ осуден на условна казна затвор од шест месеци

04/03/2020 Портал Работник

Време за читање помалку од минута

Уредникот на порталот „Инфомакс“, Александар Митовски доби условна казна затвор од шест месеци, а пресудата беше изречена денеска во Основниот кривичен суд во Скопје. Казната нема да се изврши доколку Митовски во наредние две години не стори кривично дело.

Обвинителниот предлог за Митовски бил поднесен во септември лани за делото оддавање на службена тајна откако тој на порталот „Инфомакс“ објавил дел од записникот за кривичната пријава која ја поднел Орце Камчев за случајот „Рекет“.