Урина од илјадници тркачки ќе заврши на полиња со пченица
Урината од илјадници жени кои учествуваат на TCS Лондонскиот маратон ќе биде собран од канализацијата и претворен во ѓубриво за одгледување на земјоделски култури.
Ова е трета година по ред како женските писоари на компанијата PEEQUAL – кои се 2.7 пати побрзи за користење од останатите преносливи тоалети – помагаат да се намалат редовите за чекање на маратонoт. Но оваа година, PEEQUAL соработува со стартапот NPK Recovery од Бристол за да ја рециклира урината – придонесувајќи за намалување на остатоците од јагледрод на најпопуларниот маратон во светот.
Еколошка трансформација на отпадот во вреден ресурс
Урината од девет писоари, поставени на стартната линија на маратонoт, ќе биде преработена во безбедно и ефикасно ѓубриво за пченица – култура која има потреба од азот, кој го содржи урината.
Во рамките на оваа иницијатива, 1000 литри урина ќе бидат искористени за теренски тестирања со цел подобрување на ѓубривото и проценка на нејзиното дејство на пченицата.
Двете компании се надеваат дека еден ден ќе можат да ја рециклираат целата урина од големите настани ширум светот.
„Возбудени сме“
Ако би се рециклирала, урината од сите 53.700 тркачи кои минатата година го завршија Лондонскиот маратон, би можела да оплоди доволно пченица за печење на 3.142 векни леб, според проценките на NPK Recovery. Компанијата користи бактерии за да ги извлече природно присутните хранливи материи од урината, создавајќи течност за ѓубрење.
Основачката на NPK Recovery, Хана Ванденберг, изјави:
„Урината не мора да биде отпад. Возбудени сме што можеме да одиграме мала улога во поддршката на одржливоста на култниот Лондонски маратон. Нашата крајна цел е да им помогнеме на организаторите на настани ширум светот да ја рециклираат урината и да го намалат јаглеродот.“
Извор: Index.hr
