Шалтерите во дирекцијата на „Водовод“ со ново работно време

07/04/202007/04/2020 Портал Работник

Време за читање 1 минута

Шалтерите за наплата на сметки во Дирекцијата на ЈП Водовод и канализација – Скопје ќе работат со ново работно време и тоа само од понеделник до петок од 8 до 15 часот, информираат од ова јавно претпријатие.

Како што објаснуваат од таму, оваа одлука е со цел да се почитуваат препораките за спречување на ширењето на Ковид -19.

Во контекст на ова и теренските активности ќе се одвиваат само во случај на дефект или во специфични ситуации.

Од јавното претпријатие ги повикуваат граѓаните периодов да ги користата електронските сервиси на ЈП Водовод и канализација, диколку им се потребни одредени услуги.

„Посетете ја нашата веб-страница и информирајте се за сите настани поврзани со работата на претпријатието. Електронските сервиси за физички, а отсега и за правни лица се достапни на e.vodovod-skopje.com.mk. За полесен и побрз пристап до услугите, симнете ја и мобилната апликација на претпријатието, веќе достапна за Android и IOS. Бидете инфромирани за тековните дефекти, новости и дневни известувања и пристапете до електронските сервиси“, се наведува во соопштението на претпријатието.