- Advertisement -
ПравдаСветот на работникот

Јасно предупредување – казни за неосновани откази

Јасно предупредување - Работник
287views

Министерот за труд на Србија, Зоран Ѓорѓевиќ изјавил дека отпуштањето на работници без основа и праќањето на вработените на неплатен одмор без нивна согласност претставува кршење на работничките права и порачал дека сите работодавачи коишто го прават тоа ќе бидат казнети и дека државата ќе застане зад работниците кои ќе се најдат во таква ситуација.

Ѓорѓевиќ по повод наводите дека од воведувањето на вонредна состојба во Србија голем број на вработени во приватниот сектор добиле отказ или се пратени на неплатено отсуство, рекол дека Законот за работни односи јасно ги дефинира правата, обврските и постапувањето на работодавачите и дека постојат низа на мерки кои може да ги преземат во период на вонредна состојба, но дека отпуштањето на работниците без никаква основа и неплатените одмори претставува кршење на законот.

„Ова не се однесува само на постојаните вработени, истите права ги имаат и работниците на договори на определно време и на договори за привремено работи“, рекол Ѓорѓевиќ за ТВ Прва.

Advertisement

Тој апелирал до работодавачите да го следат примерот на државата и да не ги отпуштаат работниците, како и да не им ги намалуваат платите во текот на вонредната состојба.

„Нека издржат, нема ова да трае довека, а во интерес на државата е кога се ќе помине, нашата економија да добие замав и да продолжи таму каде што застана“, рекол Ѓорѓевиќ.

Advertisement

 

Advertisement