НОВ УДАР за народот, 10% ПОСКАПА СТРУЈА од јуни?

Ново поскапување на цената на електричната енергија во најава во Македонија. Граѓаните од јуни по се изгледа ќе плаќаат повисоки сметки за најмалку 10%. Регулаторна комисија за енергетика се правда дека тоа е поради малверзациите коишто ги правеле дел од општините,.

Според првиот човек на регулаторна, Марко Бислимовски уште не започнат процесот на пресметка на трошоците кои ги пријавиле енергетските компании за новата цена, а веќе се гледаат зголемени трошоци.

Бисломовски изјави дека за општините да ги намалат трошоците за улично осветлување, формирале јавни претпријатија, преку нив цената на струјата ја плаќале како домаќинства. Купувале струја од Универзалниот снабдувач ЕВН, а не на слободниот пазар. Но, ЕВН немала доволно струја за оваа намена и ја купувала на слободниот пазар за висока цена.

– Заради некоректен однос на повеќе општини од државата коишто измислуваат јавни комунални претпријатија коишто не ги исполнуваат условите за да одат на слободен пазар за да го намалат трошокот за улично осветлување, направен е тотално непотребен трошок за набавка на електрична енергија од 30 милиони евра….“, изјави Марко Бислимовски.

„Тој трошок од 30 милиони евра значи 10 проценти зголемување на цената на електричната енергија за граѓаните“, рече Марко Бислимовски- Претседател на РКЕ.