АВТОМОБИЛСКИОТ ГИГАНТ СЕ ОПРОСТУВА ОД ГЕРМАНИЈА? „Мерцедес-Бенц“ размислува за затворање фабрики поради високите трошоци

Членот на управниот одбор и директор за производство на „Мерцедес-Бенц“ (Mercedes-Benz), Михаел Шибе, изјави дека е можно затворање на фабриките на овој производител на автомобили во Германија и преселба на производствените погони во странство поради високите трошоци за работа.

„Ќе мораме да преселиме уште повеќе работни места во странство. Во најлош случај, тоа би можело да доведе до затворање на фабриките во Германија“, изјави Шибе во интервју за весникот Handelsblatt.

Шибе додаде дека управата се обидува да го избегне овој сценарио и да ги зачува работните места и фабриките во Германија, но нагласи дека е неопходно да се оптимизираат трошоците за труд за да се оствари тоа.

Подолга работна недела и укинување на бонусите?

Зборувајќи за претстојните преговори за измени на колективниот договор, Шибе укажа на потребата работната недела во германските фабрики да се зголеми од 35 на 40 часа.

• „Исто така, потребно е да разговараме за тоа дали можеме да продолжиме да исплаќаме посебни надоместоци предвидени со колективниот договор“, додаде тој.

Унгарија како поевтина алтернатива

Шибе истакна дека проширувањето на фабриката на „Мерцедес-Бенц“ во Унгарија ѝ овозможило на компанијата да ги намали трошоците за производство за дури 70 проценти.

Според неговите зборови, во погонот во Кечкемет вработените работат подолго, а стапката на боледувања е значително пониска во споредба со нивните германски колеги.