Како да ја смените личната карта по промена на адресата?
Доколку сте се преселиле на нова адреса, важно е промената да ја пријавите во Министерството за внатрешни работи и да поднесете барање за замена на личната карта со нова.
Според информациите објавени на официјалните страници на МВР, промената на живеалиштето или адресата на станот треба да се пријави во рок од 8 дена.
Кои документи ви се потребни?
За замена на личната карта поради промена на адреса потребно е да доставите:
- Пополнето барање за издавање лична карта (се добива во МВР).
- Уплатница од 310 денари или електронска уплата преку ПОС-терминал.
- Купопродажен договор за стан или куќа заверен на нотар или имотен лист.
- Старата лична карта.
Колку време се чека за новата лична карта?
Според МВР, личните карти се изработуваат во рок од најмногу 15 дена од денот на поднесување на барањето.
Важно е да се направи разлика помеѓу рокот за пријавување на промената на адресата, кој изнесува 8 дена, и рокот за изработка на новата лична карта, кој изнесува до 15 дена.

