Вработени во ЈП „Лопушник“ незаконски дале дозвола за сеча на дрва, МВР им поднесе кривична пријава

27/01/2023 Редакција

Одделението за внатрешни работи (ОВР) Кичево поднесе кривична пријава против двајца кичевчани и еден жител на кичевското село Другово поради постоење основано сомнение за сторени кривични дела „злоупотреба на службената положба и овластување”. Против уште еден кичевчанец е поднесена кривична пријава за сторено кривично дело „кражба”, информираа од МВР.

Пријавените, вработени во Шумското претпријатие „Лопушник”, ја злоупотребиле својата службена положба и овластување и бесправно изготвиле службена документација за сеча на 167 метри просторни огревно дрво и ја издале на физичко лице од Прилеп.

Со тоа, велат од МВР, осомничените предизвикале штета на Јавното претпријатие „Национални шуми” од 769.300 денари.