Колку луѓе се вработиле за три месеци: Нови податоци од статистика

Стапката на невработеност во првиот квартал годинава е 16 проценти, соопшти Државниот завод за статистика.

Според податоците, во првото тримесечје од 2021 година, активното население во земјава изнесува 943.964 лица, од кои вработени се 793.121, а 150.843 лица се невработени. Стапката на активност во овој период е 56, а стапката на вработеност 47.1 процент.

Стапката на невработеност има континуиран пад од лани. Во првите три месеци 2020 невработеноста била 16,4 отсто, а во четвртиот минатата година 16,1 процент. 

Сепак во истиот период се намали значано и бројот на активно население, а падна и бројот на вработени. Имено ако во првиот квартал лани бројот на вработени изнесувал 811.106 лица, на крајот на годината биле 789.552.

Во првите три месеци годинава бројот на вработени изнесува 793.121 или 3.569 повеќе од крајот на минатата година.

Бројот на невработени во тој период се намалил од 151 972 на 150.843 лица или за 1.129