ЕБР одбележува 23 години од своето формирање

Денес, Единицата за брзо распоредување- ЕБР одбележува 23 години од своето формирање. Повеќе од 2 децении во првите редови за зачувување на мирот, уставниот поредок и безбедноста на Република Македонија

Веруваме и посакуваме во иднина овој важен датум и белег за Министерството за внатрешни работи, да продолжи се одбележува достоинствено како што прилега за една ваква елитна единица.

И ТРЕБА ДА БИДЕ ТАКА

Веруваме дека во иднина припадниците на ЕБР и сите вработени во Полицијата ќе бидат ослободени од политичките влијанија и притисоци кои надвисиле во моментумот за истите да бидат соодветно почитувани, соодветно платени и наградувани за својата работа а притоа обврските да ги извршуваат во соодветни услови и со уште подобра и поквалитетна опрема. За професионализацијата веруваме дека ова раководство на МВР тоа ќе го реши…

ЕБР да биде Единица за пример, единица со авторитет и интегритет. Тоа им го должиме на СИТЕ.

Почитувани колеги од ЕБР нека Ви е ЧЕСТИТ денешниот јубилеј

СЛАВА И ПОЧИТ НА ХЕРОИТЕ КОИ ГО ДАДОА ЖИВОТОТ ЗА МАКЕДОНИЈА

“Смртта не постои, луѓето умираат тогаш кога сите ќе ги заборават” – МАКЕДОНИЈА не смее да заборави

ВЕЧНА СЛАВА НА ХЕРОИТЕ

Со почит,

Синдикат на Полиција во Македонија – СПМ

СЕКОГАШ СЕКАДЕ