ЕДИНСТВЕНАТА ФАБРИКА ВО ЗЕМЈАВА ВО КОЈА РАКОВОДАТ РАБОТНИЦИТЕ ВЛЕГУВА ВО НОВАТА ГОДИНА СО ДОБИВКА И ЗГОЛЕМЕНИ ПЛАТИ

Од почетокот на 2022 приватната конфекција „Вабо“ е во рацете на работниците, па тие се оставени да стопанисуваат со фабриката, во соработка со странските партнери да ја вршат лон набавката на суровини, сами да го организираат производството и сами да го вршат пласманот на производството кое целосно е наменето за извоз. За да може фабриката успешно да функционира, на предлог на директорот и сопственик на конфекцијата Ване Богдов минатата година бил избран менаџерски тим од редот на искусни и проверени кадри кои ги поминале сите фази во работењето.