МакедонијаПравдаСиндикат

КСС предупредува на опасноста од популистичките мерки од страна на Владата преку МТСП и министерката Мила Царовска

КСС предупредува на опасноста - Работник
367views

После неуспешната епизода во Министерството за труд и социјална политика, министерката Мила Царовска се обиде социјалниот дијалог да го пренесе во Владата како Вицепремиер, но сега собирајќи ги и стопанските комори, изоставувајќи ги „невладините“ подобни за неа, пишува Конфедерацијата на слободни синдикати на Македонија – КСС во соопштението за медиуми.

„Имено, министерката се обидува својот неуспех во МТСП да го покрие како Вицепремиер и да покаже дека социјалниот дијалог постои. Ние, како најголем синдикат во јавниот сектор јавно изјавуваме дека Конфедерацијата на слободни синдикати беше нападната и опструирана од таа иста министерка и јавно кажуваме дека на социјалниот дијалог местото му е во МТСП и Економско – социјалниот совет“, истакнуваат од КСС.

Според нив, Министерката го узурпирала Економско – социјалниот совет и го уништила социјалното партнерство и социјалниот дијалог преку фалсификати и злоупотреба на службена должност, нанесувајќи голема штета на работниците во државата и донесувајќи насилно популистички мерки.

„Македонија е втората држава во историјата на Европа после Украина која ќе подлежи на специјална мисија поради напад на синдикатите и синдикалните лидери, поради уништување на социјалниот дијалог и социјалното партнерство, поради насилно одземање на синдикати, поради отказ на синдикалните лидери и нивно деградирање, што само по себе кажува за нејзниот успех“, велат од КСС.

Наведуваат дека обидувајќи се да го сокрие својот неуспех и насилничкото однесување како министер во МТСП се обиде социјалниот дијалог да го пренесе надвор од МТСП, во Владата на Македонија.

Од КСС јавно прашуваат кој во Владата е одговорен за социјалниот дијалог и социјалното партнерство? Што се обидува да направи министерката? До каде ќе оди нејзината дрскост? И уште колку е подготвена да нанесе штета на работниците?

КСС јавно се обраќа до министерката, впрочем како и во изминатите две ипол- три години дека нема да дозволи еден човек којшто државава ја претвори во невладини организации да биде фактор којшто ќе ги уназадува работничките права и ќе биде гласноговорник за носење на популистички мерки со кои ние и како синдикат и како работници ќе бидеме загрозени.

„Затоа и препорачуваме да ги тргне рацете со нејзините невладни организации од сферата на нашето делување и да го остави социјалниот дијалог и социјалното партнерство да го водат вистинските социјални партнери. Во спротивно, ние како синдикат како и во минатото така и сега, независно што сме влезени во предизборен период ќе преземеме радикални мерки и исто така институционално ќе побараме одговорност од сите што нанеле огромна штета на социјалниот дијалог, социјалното партнерство и работниците“, посочуваат од КСС.

Од КСС потсетуваат дека тие како сила на новото време секогаш било на браникот на одбрана на работничките права и верувајте како секогаш во минатото ќе се соочите со нас, но овој пат многу порадикално ќе презмеме мерки кои ќе бидат во насока на ваше финално заминување.

„И на крај, министерке освен измени во Законот за работни односи за полесно давање отказ донесен без кворум во Економско – социјалниот совет и пројден во Собрание на 28 јули 2018 година, кој закон во корист на работниците и кој закон како нов е донесен во државата??? Нема!!! Само глумење инклузивност, популистички мерки, деградирање, откази и… листата е долга и потребни се денови за да се допише“, додаваат од КСС.