- Advertisement -
ПравдаСветот на работникот

Левица: Џојсон Сејфти Системс масовно брка работници од работа

Левица: Џојсон Сејфти Системс - Работник
648views

Деновиве добивме дојави дека во странската инвестиција во Кичево, компанијата “Џојсон Сејфти Системс” (поранешно “Ки Сејфти Системс”) во тек е активно бркање на работници, пишуваат од Левица во соопштението за јавноста.

„Имено, истата компанија која 2017 година избрка десетина вработени кои синдикално се организираа, сега добивме информации дека од почетокот на кризата на околу 200 вработени не им се обновени договорите и се отпуштени. Други 200 работници се пуштени дома на платен одмор и стравуваат дека се чека да им завршат договорите за и тие да бидат избркани“, велат од Левица.

Advertisement

Според нив, директорот на Државниот инспекторат на труд, Аљајдин Хавзиу неодамна изјави дека и покрај преку 500 пријави и пет надзори на трудовите инспектори никакви прекршувања не се најдени. Левица прашува каде е правдата за работниците на „Џојсон Сејфти Системс?” Кого штити државата?

„Работниците се уплашени за својата егзистенција затоа што уште од почетокот на кризата кружат гласини дека фабриката ќе се затвори и дека вработените ќе бидат оставени сами на себе. Истата таа компанија која доби неброени поволности од државата кои се бројат во милиони евра за да може безобзирно да експлоатира труд на нашата територија, сега ги пакува куферите и ги остава работниците на цедило додека трае пандемија“, посочуваат од Левица.

Advertisement

Тие порачуваат дека ова не смее да се толерира сега кога населението е најранливо и затоа бараат од државата најостри санкции и спречување на затварањето на фабриката, ако е потребно и со присилна национализација.

Advertisement