Македонија

Општина Карпош: Екипите на терен – се очекува силен ветер и снег во попладневните часови

Општина Карпош - Работник
127views

Комуналните служби на Општина Карпош утринава продолжија со активностите за расчистување на јавните површини од вчерашното невреме во Скопје.

Како резултат на силниот ветер, се отстрануваа скршени гранки и паднати дрвја во повеќе населби.

На  терен работат сите хигиеничари, како и расположливата механизација.

Општина Карпош контактираше и со Управата за хидрометеоролошки работи (УХМР) при што, и во попладневните часови денеска се очекува посилен ветер пропратен со врнежи од снег.

Упатуваме апел до сите граѓани, да не ги паркираат своите возила под големи крошни од дрвја, како и да избегнуваат присуство на отворено.

Екипите на Општина Карпош се подготвени за делување, со цел спречување на штети од временските неприлики.