ПРЕКАРИЈАТСКИ РАБОТЕН ОДНОС: КОЛКУ ПРОЦЕНТИ ОД ВРАБОТЕНИТЕ ВО МАКЕДОНИЈА РАБОТЕЛЕ НА КРАТКОТРАЈНИ ДОГОВОРИ, ИМАЛЕ НИСКИ ПРИМАЊА И НЕСИГУРНА РАБОТА?

Прекаријатското вработување е во суштина несигурно вработување, односно кога работникот работи на краткотрајни договори до 3 месеци и притоа има несигурно работно место, со ниски примања и без социјална зашита.

Заводот за статистика на Европската унија – Евростат, води евиденција за тоа колку од вработените во Европа се во прекаријатски работен однос. Податоци има и за Македонија. Во последните пет години, односно во 2016 година, во ваков работен однос биле 4,2 % од вработените. Во следните две години, процентот бележи раст – 4,4 во 2017 и 5,7 % во 2018. Во 2019 година дошло до опаѓање на процентот на 4.2. Следната година, односно во 2020, тој процент пораснал за 2 %, на 4,4 %.

Во продолжение графички приказ на процентот на вработени кои работеле на краткотрајни договори до 3 месеци:

Продолжува после графикот: ПРЕКАРИЈАТСКИ РАБОТЕН ОДНОС: КОЛКУ ПРОЦЕНТИ ОД ВРАБОТЕНИТЕ ВО МАКЕДОНИЈА РАБОТЕЛЕ НА КРАТКОТРАЈНИ ДОГОВОРИ, ИМАЛЕ НИСКИ ПРИМАЊА И НЕСИГУРНА РАБОТА? Процент на вработени во Македонија кои работеле на краткотрајни договори до 3 месеци, по години by Работник Мк

Инаку, според податоците на Агенцијата за вработување, значајно е поголем бројот на вработените кои биле во работен однос на определено време, отколку на неопределно. Последните податоци покажуваат дека во декември 2023 година имало 124,051 вработени на определено време и сезонски работи и 85,925 на неопределено работно време.

Фото: Canva