Трикови кои помагаат да не откривате премногу за приватниот живот

Пријателството со колегите може да биде деликатно: зборувате доволно за себе за да поттикнете пријателство, но не премногу за случајно да не се пострамотите или наштетите на вашата репутација.

Карен Линч, извршната директорка на CVS Health, тврди дека постојат трикови за постигнување на вистинска рамнотежа: споделувајте го она што директно може да го реши проблемот или поврзете се со некој друг.

„Постојат работи за кои можете да разговарате, а кои можат да направат разлика. И тука линијата е тенка“, рекла неодамна Линч за видео серијата на LinkedIn, „This is Working“.

Линч додал дека го следела сопствениот совет како претседателка на Аетна, улога која ја извршувала од 2015 до 2021 година.

На почетокот на својот мандат, свикала состанок и ги повикала менаџерите сериозно да го сфатат менталното здравје. Во непланиран момент, споделила нешто што никогаш претходно не го кажала на ниеден колега: кога имала 12 години, нејзината мајка извршила самоубиство.

Искуството драматично влијаело на нејзиното растење. Исто така се чувствувала посрамено и вознемирено поради тоа, па поголемиот дел од својата кариера го поминала исклучително во работење, рекла таа. Но среде состанокот, додека 50,000 вработени слушале, Линч сфатила дека може да им помогне на своите колеги да разберат зошто толку силно се залага за менталното здравје. По состанокот, една вработена ја контактирал.

„Неодамна го изгубила својот син поради самоубиство. И призна дека не сака да им каже на луѓето… и рече: ‘Успеа. И се чувствувам многу подобро сега кога зборувам за тоа, бидејќи мојата приказна може да ѝ помогне на некоја друга мајка’“, рекла Линч.

Како да се избегне претераното споделување

За Линч, границите помеѓу канцелариските шеги и прекумерното споделување започнува да се брише кога ќе откриете премногу лични и чувствителни информации.

„Нема да речете: ‘Вчера се искарав со мојот сопруг’“, напоменала таа. Бидете тактични во врска со она што го откривате во канцеларија, вежбајте активно слушање и поставете здрави граници, препорачуваат експертите. Дури и поставувањето на граници колку долго поминувате разговарајќи на работа може да помогне или да ве спречи да слушнете премногу работи од вашиот соработник.

„Ако имате колега кој претерано споделува работи од својот личен живот, а немате време за тоа, кажете му: ‘Многу ми е жал, имам само пет минути за разговор“, рекол Брендон Смит, терапевт и тренер за кариера, познат како The Workplace Therapist, за CNBC Make It минатата недела. Исто така треба да водите сметка да не споделувате премногу на веб локациите на социјалните мрежи како LinkedIn и другите форуми за професионално вмрежување, рекла Клер Васерман, основач на образовната платформа Ladies Get Paid. Таа препорачува да се запрашате: „Која е мојата цел?“ пред да објавите лични коментари на професионалните сајтови.

„Понекогаш, кога ќе видам дека луѓето споделуваат работи за смртни случи во нивните семејства, помислувам: ‘Која е поентата која се обидувате да ја кажете?“, навела Васерман за Make It 2022.

„Секој вид на содржина која ја споделувате би требало да му помогне на другото лице во професионален контекст“, додала таа.

Извор: BIZlife.rs