ТРИТЕ СИНДИКАТИ ВО ЗАТВОРОТ ВО ГЕВГЕЛИЈА ВО САБОТА НА ПРОТЕСТ – ПРИЧИНИТЕ СЕ ПОВЕЌЕБРОЈНИ
Време за читање 1 минута
Синдикатите кои ги претставуваат вработените во Затворот Гевгелија во сабота ќе организираат протест поради, како што велат, неостварувањето на елементарните права кои им следуваат согласно законите, но и оние кои ги имаат добиено преку суд, а се‘ уште не се почитуваат.
Синдикатот на администрација и државна управа – САДУ, Независниот синдикат на државна администрација и УПОЗ, кои заедно го организираат овој протест имаат повеќе повеќе барања, за кои веќе четири години барале состанок со директорот на Затворот, но не наишле на слух.
Дел од нивните барања се:
- Како и во останатите установи во државата, редовната смена да си ги обавува своите задолженија комплет без притоа истата да се ослабнува и од неа организира спровод
- Сразмерно зголемување -усогласување на платите по вертикала согласно минималната плата.
- Конкретно за спровод да бидат ангажирани затворски полицајци кои се во приправност т.е два дена слободни. По потреба и од смената која треба да биде ноќна смена
- Да се задолжат со лично вооружување и средства за врзување тие што немаат,
- Замена на бравите на вратите начинот на затварање (поцврст) и систем како во банка да не се отвара врата 3 додека врата 2 не е затворена
- Набљудувачница над шеталиштето во Притворот
- Скенер (компјутер – тунел).
- Дрегер за алкотест
- Униформа
- Хемиски средства (солзавец)
- Централно радио во притвор
На протестот ќе се приклучат и вработени кои не се членови на синдикатите.
Бобан Илијевски е новинар специјализиран за работни односи, човечки ресурси и кариера. Тој е ко-основач и главен и одговорен уредник на www.rabotnik.com.mk.
Latest posts by Бобан М. Илијевски (see all)
