Левица: Вицепремиерот заборава на тоа дека граѓаните имаат слаба куповна моќ поради инфлацијата

Фејсбук статус на трудовиот сектор на Левица: 

Нов ден, нови манипулации од страна на вицепремиерот Битиќи!

Ноторна лага и подла манипулација е дека просечната плата во Република Македонија расте, особено не поради добрите политики на Владата!

За номиналниот пораст на платите, главно има две причини:

Првата е поради огромниот број на работници кои ги загубија своите работни места, а кои заработуваа минимална плата или приближно на минимална плата, со што по нивните откази просечната плата фиктивно се зголеми.

Втората причина за нејзиното „зголемување“ се енормно високите плати на менаџерите и раководните структури со што го подигаат вкупниот просек на платите.

Исто така вицепремиерот „случајно“ заборава да спомне колкав е растот на цените, односно инфлацијата со што се помала е куповната моќ на граѓаните, односно парите имаат се помала вредност.

Срамно е однесувањето на Битиќи што на грбот на избрканите работници прави лична промоција и плитко политикантство.