Продолжува собраниската расправа за Законот за минимална плата
Пратениците во Собранието денеска на пладне треба да ја продолжат расправата за Предлог на закон за изменување и дополнување на Законот за минимална плата, со кој минималната плата ќе изнесува 18.000 денари.
Вчера на почетокот на расправата, министерката за труд и социјална политика Јованка Тренчевска, образложувајќи го Предлогот на закон рече дека тој е подготвен во дијалог со работодавците и работниците, и е донесено решение кои го поддржуваат сите – минималната плата да биде 18.000 денари.
– Законот ја утврдува минималната плата, која за месец март, заклучно со исплатите за март, треба да биде во висина од 18.000 денари. Државата мисли и на работодавците. Во самиот Предлог закон е предвидено државата ќе ја покрие целокупната разлика во делот на придонесите за минималната плата, која во моментов е 15.200 денари, до онаа која ќе се исплаќа од март а која ќе изнесува 18.000 денари. Предвидено е работодавците да се поддржат во периодот од март до декември 2022 година, информира Тренчевска, кој потенцира дека минималната плата е зголемена двојно во однос на онаа од 2016 година, која изнесуваше 10.080 денари.
Повеќе на Сител
- Вработените во културата ја добија мартовската плата покачена за 12 проценти, вели Костадиновска-Стојчевска - 19/04/2024
- Вработените во културните институции со протести поради задоцнетите и ниски плати - 19/04/2024
- МИСАЈЛОВСКИ: Економијата, стандардот и отворање на нови 50.000 работни места се во фокусот на програмата на ВМРО-ДПМНЕ - 19/04/2024